पुणे : पुणेकरांना स्वच्छ पर्यावरण व चांगले आरोग्य मिळावे, यासाठी नागरिकांमध्ये जनजागृती करण्याच्या उद्देशाने माय अर्थ फांउडेशन आणि पुणे महानगरपालिकेच्या वतीने स्वच्छता करंडक क्रिकेट स्पर्धेचे आयोजन करण्यात आले होते. अझर गोट्या इलेव्हन या क्रिकेट संघाने हा ‘स्वच्छता करंडक’ जिंकला.
सुरज दादा निंबाळकर संघाला द्वितीय, तर जय गणेश इलेव्हन संघाला तृतीय क्रमांकाचे बक्षीस मिळाले. ‘मॅन ऑफ द मॅच’चा सन्मान पप्पु रामगुडे याला, तर अजय आवळे सर्वोत्तम गोलंदाज आणि तुषार रणदिवे सर्वोत्तम फलंदाज ठरले. तळजाई येथील सदू स्टेडियम येथे हे सामने झाले. यात पुणे शहरातून ४० क्रिकेट संघांनी सहभाग घेतला होता.
‘स्वच्छता करंडक’ समारोपप्रसंगी पुणे महानगरपालिकेचे सहआयुक्त ज्ञानेश्वर मोळक, शिवसेना उपनेते रघुनाथ कुचिक, स्थायी समिती अध्यक्ष हेमंत रासने, महाराष्ट्र प्रदूषण नियंत्रण मंडळाचे भालचंद्र जगताप, नॅशनल सॉलिड वेस्ट असोसिएशन ऑफ इंडियाचे नितीन देशपांडे, पराग मते, ललित राठी, नितीन कदम, राहुल माने, अनिल छाजेड, मनीष जगदाळे, किशोर रजपूत, स्वप्नील नाईक, हरीश चांदवानी, श्री. घळसासी, विकास पाटील, प्रसाद चावरे, श्रीकांत मेमाणे, हरीश खर्डेकर, किशोर कांबळे आदी उपस्थित होते.
कार्यक्रमाचे संयोजन प्रकाश चव्हाण, महेश चरवड, मनीष घरत यांनी केले, तर आयोजन ‘माय अर्थ’चे अध्यक्ष अनंत घरत यांनी केले.